Suiaaqatigiit oqaluffimmi katissinnaatitaalerput
Nunatsinni aappariit suiaaqatigiit oqaluffimmi ullumi katissinnaalerput. Naalakkersuisut tusagassiuutinut taama nalunaaruteqarput.
Allattoq Jonas Fievé
Nutserisoq Mads Lynge
Tassa aappariit suiaqaatigiit oqaluffimmi apriilip aallaqqaataa aallarnerfigalugu katissinnaalersut, Pinngortitamut, Avatangiisinut Inatsisinillu Atuutsitsinermut naalakkersuisup Mala Høy Kúkop nalunaarutigaa.
Suiaaqatigiit katissinnaalernissaannut inatsit ilaqutariinnermut inatsisinut ataatsimoortunut annertuunut, Inatsisartut siorna 2015-imi upernaakkut isumaqatigiissutigisaannut akuerineqartunut ilaavoq.
Inatsisit ataatsimoortut Folketingimi ukioq manna januaarip ulluisa 19-ianni akuerineqarput, inatsisillu sinneri ukioq manna juulip aallaqqaataani atuutilissapput.