Suharto akiliisinniarpaat

Indonesiami ukiorpassuarni kisermaassilluni naalakkersuisuusimasoq, Suharto, Jakarta-mi eqqartuunneqareerluni, 8 milliarder koruuninik akiliisussanngortinneqarpoq.

Ukiuni 32-ni kisermaassilluni naalakkersuisuunermini aningaasat taama amerlatigisut tillissimagai, Jakarta-mi eqqartuussivik aalajangerpoq.

Tillitaasimasutut taarsigassaviit 2,5 milliarder koruuniupput, sinnerilu inunnut ajoqusiisimanermut taarsiissutissatut naatsorsuussaallutik.

Suharto-p aningaasaateqarfianut ilinniaqqinnissanut aningaasaliissutitut atugassatut, aningaasarpassuit nakkakaatinneqartarsimapput. Misissuinerilli takutippaat, aningaasat sumorpiaq atorneqarsimanerinut takussutissaqanngitsoq. Aningaasat atornerlunneqartarsimasut pasilliutigineqarput.

Suharto, maanna 86-nik ukioqartoq, ukiut qulit matuma siorna uppisitaavoq. Taamaakkaluartoq, pissaaneqarnermi nalaani suleqatigisimasai suli politikkikkut sunniuteqartut, ritzau allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat