Sudanip nunaa erlinnartoq danskip ataasiinnaalluunniit tummaqqissanngilaa
-Sudanimi sisamanik sulisoqarpugut, taakkualu ajunngillat, sioorasaarneqarsimanatillu nunaminngaanniit aneqquneqanngillat. Soorunami sissuerpugut danskiunerpullu isertuutikannerlugu. Sulisuvut pingasut kristumiuunerusut akornanni Sudanip kujasinnerusortaaniipput, tamaanilu sakkortusaarluni qunusaarisoqanngilaq. Suleqatittalu Sudanimiut oqarfigaatigut sakkortusaarniarneq erngiinnaq qaangiukkumaartoq, ikiuiniarnerput nangissinnaaniassagatsigu, Dansk Røde Korsimi nunani tamani pisortaq, Anders Ladekarl oqarpoq. Paasisavut naapertorlugit Khartoumiinnaq akerliussutsimik takutitsisoqarpoq, sulisuvulli annikilliortinneqanngillat, neriuppugullu sakkortusaarluni isornartorsiuineq erngiinnaq qaangiukkumaartoq. Suliavut ingerlatiinnarpavut ikiuiniarnitsinnilu ataqatigiissaarineq aqagu nangeqqissavarput, Anders Ladekarl oqarpoq.
