Sudani Kujalleq avissaartussanngorunarpoq
Sudanip kujataa avannaaniit avissaassanersoq taasisississutigitinneqarmat, Sudanip kujasinnerusortaani qinersisartut 60 procentii sinnerlugit maanna taasiartoreersimapput.
januaarip 13-at 2011 06:06
Taasineq kinguneqarsinnaassappat minnerpaamik 60 procentit peqataassapput, taasisitsinerlu arfininngorpat aatsaat naammassineqartussaagaluartoq, killissarititaasoq maanna tassa qaangerneqareerpoq.
Afrikami naalagaaffiit annersaanni tassani avannaamiut muslimiunerupput, kujataamiullu ilaat kristumiuusut ilaat animistiupput, tassa pinngortitaq, siuaasamillu anersaavi aallaavigalugit upperisaqartuullutik. Qinersinermi kujataamiut avannaaniit avissaarusunnissaat qularineqanngilaq.
