Stuart Hill qeqertamik 1 hektaritut angitigisumik piginnittuunerarpoq
Qeqertaq, taamma Forvik-imik taaneqartartoq, taamaallaat hektaritut ataatsitut angitigaaq, sanaartorfigineqarsimananilu. Tululli utoqqalinersialik Stuart Hill qeqertaatiginerakkamini qaarsuinnaat anorlernikkaat pillugit pilersaaruterpassuaqarpoq.
Forvik tassaassaaq Shetlandit qeqertaasa Tuluit Nunaannit avissaarniarnerannik suliap ingerlanerani aserorterisuusussaq, taama neriuppoq 65-inik ukiulik, Stuart Hill. Tappavani nutaarsiassaqarfik naapertorlugu avissaarniarneq qanittukkut pisussaavoq.
Hill tupermi marluuttarissami najugaqarpoq, maannakkulli 25 kvadratmeterisut angitigisumik illuaraliulerluni. Taanna oqaluttuarpoq qeqertaq, namminersortuunini pissutigalugu, immikkut aningaasaqartariaqartoq, tamaani akileraaruteqassanngilaq momseqaraniluunniit, Forvik-ilu EU-mi ilaasortanngussanani.
