STTK:Nutaamik kanaliliorneq akisuallaarpoq

Nuna tamakkerlugu TV-kut radiokulluunniit immikkut kanalimik pilersitsisinnaaneq akisuallaassaqimmat, atortut periarfissallu akisuallaaqimmata, pilersitsinissaq akilersinnaangilaq, Sinerissami takusassiiviit tugassiiviillu kattuffiata siulittaasuata tullia Jens Klaus Lennert oqarpoq. Taasumap aamma uppernarsarpaa TV-mi radiomilu aallakaatitsisarnermut maleruagassat nutaanngileqimmata nutarternissaannik kissaateqartareerlutik ukiortamiit atuutilersumik nutaamik maluruagassanik peqalersoq.

STTK-p aamma kissaatigisartagaasa ilagaat kanalimik nutaamik peqalersinnaanissaq aammaaffigineqartariaqartoq. Sinerissami TV-qarfiit maanna periarfissaqanngillat nuna tamakkerlugu aallakaatitsisalernissaminnut, atortorissaatutit akisoqimmata.

TV-mi aallakaatitsisarnermi pisariillisaanerit, soorlu digitalimik Tele kanalinik arlalinnik periarfissaqartitsilersinnaasuuppat sinerissami TV-qarfiit aallakaatitsisalersinnaanissaminuut periarfissaqalersinnaagaluartut.

Aallakaatitsisarnermut akuersissutinut tunniussisarnermi maleruagassat nutaat tunngavigalugit Nuuk TV-iat nuna tamakkerlugu aallakaatitsisalernissaminut pilerisulersinnaanngilaq atortut akisuallaassaqimmata, Nuuk TV-iata pisortaa Jens Olsen oqarpoq, taanna aamma isumaqarpoq qanorluunniit ussassaarutinik sivisoorsuarmik aallakatitsisaraluaraanni pilersitsinissaq akilersinnaanavianngitsoq, atortorissaarutit akisuallaaqimmata.

Nuna tamakkerlugu TV-kut aallakaatitsinermi kanali nutaaq Telep akigititai naapertorlugit ullumikkut 16 milliuuni koruuninik akeqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat