Strasbourgimi juullilernerani niuffaffimmi aallaasersortoqarmat pingasut toqutaasut
Ippassaq unnukkut nalunaaqutaq arfineq-pingasut missaanni saassussisoqarpoq, saassussisorlu suli ujaarineqarluni. Saassussisoq inuit akornannut eqqareernermi kingorna politiinut aamma eqqarpoq. Saassussisoq tassani ikilerneqarpoq, qimaasinnaasimallunili.
Angut 29-nik aallaasersortutut pasineqarpoq. Taanna Frankrigimi politiinit piffissami sivisuumi alaatsinaanneqarsimavoq:
- Isumannaallisaaniarnerup qaffasinnerpaaffimmiitsinneqalernissaa naalakkersuisut aalajangerpaat, tamannalu pissutigalugu killeqarfinni tamani annertunerusumik nakkutilliisoqalissalluni, Frankrigimi oqartussat taama nalunaaruteqarput.
Frankrigimi illoqarfinni arlalinni inuit katersuuffigisinnaasaanni angallaffiginerusaannilu amerlanerusunik unnuaq politiilersuisoqalerpoq.