Storm Ludvigsen: "Pakatsivunga aalajangernerli ataqqivara!"
Ukioq 2001 Storm Ludvigsen aningaasanik tillitanik tigusisimasutut atuisimasutullu pineqaatissinneqarpoq.
”Qinigaasinnaanermut ataatsimiititaliap aalajangernera ataqqivara, aalajangeereerput qaangiutereerpoq uangalu ingerlaqqissaanga” , Storm Ludvigsen oqarpoq.
Ukioq 2001 oktoberip qaammataani Nuummi Pisiffimi aningaasanik tillittup tillitaanik aningaasanik pivoq, taamanikkut Stormip nalusimavaa aningaasat 1000 kr tillitaanersut, taannalu unioqqutitsineq pineqaatissiissutitut Storm Ludvigsenip qinigaasinnaannginneranut tunngaviuvoq.
Ukioq 2003 oktoberip qaammataani Storm Ludvigsen pinerluttulerinermut inatsimmik paragraf 78 malillugu eqqartuussissutitigut aalajangerneqarpoq tillitanik tigusaqarsimasutut atuisimasutullu pineqaaatissinneqarluni.
”Inatsisit taamaammata pakatsivunga taakkuli allanngortinneqarsinaanngillat!
Kukkusimanera aammalu iluamik itinerusumik paasiniaasimannginnera pakatsissutigaara ! ”Storm Ludvigsen oqarpoq, qinersiserpassuani sullissinnaannginnamigit aamma pakatsivoq.
Storm Ludvigsen aalajangiineq pillugu taamatut oqarpoq erseqqissarpaalu tulliani kommuunimut qinersisoqalerpat qineqqusaarniarluni.
