Ajutoortoqartillugu Misissuisartut: Storebæltsbromi ajutoortoqarnerani kalittakkat qajannaaqquserneqarsimanngitsut

Ajutoortoqartillugu Misissuisartut ajutoornermit nalunaarusiarigallagaani tamanna saqqummiunneqarpoq.

Storebæltsbromi qimuttuisut usisaasa ilaat kaanngarmat qimuttuitsut illuatungaanut ingerlaartut eqqorneqarput.

Ajutoorneq pillugu nalunaarusiaq naapertorlugu qimuttuitsut ingerlaartut usisaat pingasut qajannaarsorneqarsimanngillat - parnaarsaataat ajoquteqarsimammata.

AAMMA ATUARUK DSB qimuttuitsunik ajunaartut qanigisaanut aningaasanik naasunillu nassiussisoq

Ajutoortoqarneranili anorlernera aamma pissutaasimasoq nalunaarutigineqarpoq.

Apornermi aseqqukut misissorneqareersullu ingerlaarnermi usit anorlerneranit uppisinneqarsimasinnaasut inerniliunneqarpoq, usillu iluamik parnaarsarneqarsimanngissinnaasut, Ajutoortoqartillugu Misissuisartuni pisortap tullia,  Bo Haaning dr.dk-mut oqarpoq

Ajutoortoqarmat inuit arfineq-pingasut ajunaarput 16-illu aqqunartiterlutik. Ajunaartut ilaat Namminersorlutik Oqartussani atorfeqartuulluni.

AAMMA ATUARUK Namminersorlutik Oqartussani atorfilik qimuttuitsut ajutoorneranni ajunaartunut ilaavoq