Ajunaarsimasut tamarmik ilaasuusimasut, DSB tusagassiutinut ullaaq manna nalunaaruteqarpoq.
Qimuttuitsut lyntoget Fynimit Sjællandimukaartillutik qimuttuitsumit nassiussanik usisumit eqqutallunneqarput. Tamatumalu kingunerisaanik qimuttuitsoq 131-nik ilaasoqartoq kigaallarujussuarpoq.
Nassiussanik usisoq qimuttuitsut ingerlaarfiata aappaani ingerlaarpoq. Ajutoorfiusumilu ilaasut qanoq amerlatigisut aqqunartitersimanersut pillugit suli saqqummiisoqanngilaq.
- Ajutoortoqarnerani aqqunartitertoqarpoq ajutoorfiusorlu pillugu misissuivugut, politiit ullaaq manna taama nalunaaruteqarput.
Ilaasut ajoqusersimanngitsut ullaaq manna qimagussorneqarput Nyborg Idrætscenterimukaanneqarlutik, tassani immikkut oqaloqateqarnissaminnut periarfissinneqarlutik.
