Stoltenberg siulittaasunngussaaq
Naalagaaffiit Peqatigiit suleqatigiiffiata ikiuineqatigiiffiani Norskit ministeriunerat Jens Stoltenberg siulittaasunngussaaq, norskit nutaarsiassaqartitsiviat NRK taama nalunaarpoq.
- Apeqqut pingaaruteqarmat piffissaq sivisooq tassunga atortussaavara. Tassami avatangiisit aammalu silap pissusaa pillugu nunarsuarmi tamarmi oqaluuserineqarnissaa pingaaruteqarmat, Jens Stoltenberg oqarpoq.
Silap pissusaata allanngornerata kingunerisaanik nunat piitsuunerusut eqqugaasut aningaasatigut ikiorniarneqarnissaanut suleqatigiiffimmi siulittaasuusimasoq, tuluit ministeriunerisimasaat Gordon Brown taarserlugu, Jens Stoltenberg siulittaasutut sulilissaaq.
Naalagaaffiit Peqatigiit siulittaasuannit Ban Ki-Moonimit pilersinneqarpoq, silap pissusaa pillugu suliuniutini siunnersuisartoqarneq , tamanna pivoq silap pissusaa pillugu Københavnimi ataatsimeersuartoqarmat.
Silap pissusaata allanngorneratigut eqqugaasunut, suleqatigiissitaq siunnersuisuusartussaq iluarsiissutissanik ukiumut 600 milliardi koruunik pissarsiniartartussaavoq. Norskit nutaarsiassaqartitsiviat NRK allappoq.
