Støjberg ministeriunerlu oqallinnermi oqqattut
Danmarksdemokraatit siulittaasuat, Inger Støjberg aamma ministeriuneq Mette Frederiksen (S) Folketingip ataatsimiittarfiani ministeriunermut marlunngornermi apeqqarissaartoqarnerani oqallippallaanngillat.
Taakku marluk oqqatiinnarput. Tamanna ilaatigut toqqaananrtumik oqalutseqarnermut tunngallunilu Mette Frederiksenip qaammatip aallartinnerani kingullermik apeqqarissaarfigineqarnerani pissulersuutaanut tunngassuteqarpoq, tassani ministeriuneq illuatungiliuttut partiivi naapertorlugu kamassimasumik sakkortuumillu nipeqarsimavoq.
- Mette Frederiksenip ullumikkut nuannaarnerunera nuannaarutigaara. Ministeriunermi kingullermik isumagissaarpallaanngimmat akissutissarsivallaanngilagut, Støjberg oqarpoq.
Apeqqarissaarneq oqaluttuarisaanermi immikkut ittuuvoq. Tassanilu folketingimut ilaasortap, Aki-Matilda Høegh-Damip partiimit Siumumeersup oqallinnermi siusinnerusukkut ministeriunermut apeqquteqarnermini oqalunnerminilu kalaallisut oqalunneranik pissuteqarpoq.
Taassuma kalaallisut oqalunnerani kalaallisuumiit danskisuumut folketingimi ilaasortanut takkuttunut nutserisoqarpoq.
Støjbergilu ima oqarpoq:
- Illaruaatissaannaavorluunniit, kisianni isumaqarfigineqarnera assigiinngitsuuvoq.
Folketingimi danskisuinnaq oqaatsillu allat atornagit oqaluttoqassasoq Støjberg isumaqarpoq. Tamannalu oqqannermut aallarniutaavoq. Mette Frederiksenimmi Støjberg nuannarinngilaa.
Toqqaannartumik oqalutseqarnerup illaruaatissaannartut taaneqarnera Kalaallit Nunaannut "ataqqinninngilluarnernerusoq" Mette Frederiksen isumaqarpoq.
Støjbergillu oqaatsit taakku atorlugit nunanit avannarlernit folketingimut ilaasortat sisamat tassa Kalaallit Nunaannit marluk Savalimmiuneersullu marluk piluarigai ministeriuneq isumaqarpoq.
Aki-Matilda Høegh-Dam marlunngornermi oqallinnermi ilitsoqqussaralugit oqaatsini atorlugit – tassa danskisuunngitsoq – kisiartaalluni oqaluppoq.
- Quianartukkiarineqarnissaa paasisinnaanngilara. Tassa Folketingimut ilaasortat sisamat naligisagut ilitsoqqussaralugit oqaatsitik atorlugit oqalunnerat, Mette Frederiksen oqarpoq.
Ingerlaqqipporlu.
- Ministeriuneq ullugissaarnersoq maanna qularutigilerpara. Folektingimi ataatsimiittarfimmi danskisut oqaluttarpugut. Ajornarnerussanngilaq, Støjberg oqarpoq.
