Stockholmimi inissiarsuit ilaat qaartitsiviusoq aseruatitingaatsiarsimavoq, tassani ingammik majuartarfiit ininilu alliit tullii aseruatitingaatsiarsimammata, biililu inissiarsuup silataaniittoq aseruatitingaatsiarluni.Assi: Anders Wiklund/TT/Ritzau Scanpix

Stockholmimi qaartitsisoqarnerani qanngorpallannerujussuaq inuppaalunnit tusaaneqarsimasoq

Unnuaq qaartitsisoqarnerani qanngorpallannerujussuaq Stockholmimiut amerlanerpaartaannit tusaaneqarsimasoq, Stockholmimi innuttaasut oqarput.

Sverigemi illoqarfiit pingaarnersaanni Stockholmimi unnuaq qaartitsisoqarnerani inissiarsuaq aseruatiterujussuarpoq.

Inunnik ajoqusertoqarsimaneranik ilisimatitsisoqanngilaq.

Inuit 30-t missaat atuarfimmut qaartitsivisiup qanittuaniittumut qimagussortinneqarlutillu qaartitsiviusup eqqaa assersorneqarpoq. Svenskit aviisiat Expressen taama allaaserisaqarpoq.

Stockholmimiorpassuit qaartitsisoqarnerani qanngorpallannerujussuaq tusaasimavaat.

Taakku ilagaat nutaarsiasssaqartitsiviup TT-ip assiliisua, Anders Wiklund. Taassuma qanngorpallannerujussuaq najugaqarfimminit qaartitsiviusumit kilometeri sinnerlugu ungasitsigisumit tusaasimavaa.

- Qanngorpallannerujussuaq Stockholmimiunit tamanit tusaaneqarsinnaavoq, Anders Wiklund oqarpoq.

Stockholmimi inissiarsuit ilaat qaartitsiviusoq aseruatitingaatsiarsimavoq, tassani ingammik majuartarfiit ininilu alliit tullii aseruatitingaatsiarsimammata, biililu inissiarsuup silataaniittoq aseruatitingaatsiarluni.

Uppsalami Stockholmip avannarpasisssortaaniittumi unnuaq aamma qaartitsisoqarsimavoq. Tassani inunnik ajoqusertoqarsimaneranik aamma ilisimatitsisoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat