Stine Johansen Helsingør Kommunemi pisortanngussaaq

Kommuneqarfik Sermersuumi pisortaasimasoq Stine Johansen nutaamik atorfittaarpoq. Helsingør Kommunemi pisortatut pisortaqatigiinnilu ilaasortatut 2014-imi marsip aallaqqaataani aallartissaaq.
Allattoq Peter Troelsen, Simon Uldum
decembarip 18-at 2013 07:11

Stine Johansenip aappani Leise Johnsen Københavnimi Kalaallit Illuutaanni pisortanngormat Nunatsinnit aallarpoq. Johansenilu aqutsisutut piginnaasani Danmarkimi kommunimi atorsinnaanngorpai.

- Stinep Helsingør Kommunemut tikilluaqqunissaanut qilanaarpugut. Stine aqutsillaqqissuseqarluartoq, sulerusussuseqarluartoq aammalu paasisimasaqarluartoq qularnanngilaq, tamakkalu maani atorluarsinnaakutsoorpagut, Helsingør Kommunemi kommunaldirektøri Bjarne Pedersen oqarpoq.

Petersen, pisortaq Marianne Hoff Andersen Stine Johansenilu tassaassapput Helsingør Kommunemi pisortaqatigiit. Stine Johansenip 39-nik ukioqartip ilinniagaraa cand. mag. i visuel kultur aammalu aqutsinermi MBA-qarluni.

- Helsingør pissanganarluinnarpoq. Suleqatigisassama marsip aallaqqaataani naapinnissaannut qilanaaqaanga. Helsingør Kommunemi suleqataanissara tulluusimaarutigaara ineriartortitseqataanissaralugu qilanaaralugu, Stine Johansen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq