Per Stig Møller salluneragaavoq

Nunarput aqqusaarlugu Amerikamiut tigusaminnik angallassisarsimanerannut misissuineq suliluunniit nipangiulluarneqanngitsoq, danskit nunanut allanut ministeriat Per Stig Møller misissuinermi apeqqutini pingaarutilinni salluneragaavoq.
Allattoq Louise M. Kleemann
oktobarip 24-at 2008 10:49

Per Stig Møllerip erseqqissarnikuuaa USA tigusanik assartuinermini nunat aalajangersimasut aqqusaartarsimanerinik paasissutissanik pissarsivigineqarsinnaasimanngitsoq, uppernarsaatissaqanngimmat.

Danmarkimili naalakkersuisut nalunaarusiaat naapertorlugu Per Stig Møller eqqunngitsuliorsimavoq. Tuluit Nunaannit nalunaarutigineqarpoq USA tigusanik assartuitilluni Tuluit Nunaat marloriarluni aqqusaartarsimagaa, Amerikamiullu taamatut pisoqaqqinnginnissaanik neriorsuisimasut.

Danmarkimi naalakkersuisunut illuatungiliuttut Socialdemokratit, SF-it Enhedslistillu USAp tigusaminik assartuinermi danskit silaannarmik oqartussaassuseqarfii atornerlussimanerai misissuiffigineqassasoq piumasarilerpaat.

- Piumasaraarput tuluit erseqqarissumik nalunaarfigineqarsimanerattut ilisimatinneqarnissarput, Holger K. Nielsen, SF-imeersoq piumasaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq