Per Stig Møller kuultimik nersornaaserneqartoq
Nunanut allanut ministeria Per Stig Møller Namminersornerullutik Oqartussat nersornaasiuttagaannik kuultimik tunineqaqqammerpoq.
Nersornaat Inatsisisartut siulittaasuannit Jonathan Motzfeldtimit Københavnimi tunniunneqarpoq.
Per Stig Møllerip nersorniarneqarneranut tunngavilersuutigineqarpoq nuiamasutut politikeriunermini kalaallit nunaannut isiginninniarsimanera. Jonathan Motzfeldtip pingaartillugu nassuiaatigaa, nunanut allanut ministerip suliniutaasa ilagisimagaat Kalaallit Nunaata nunanut allanut sillimaniarnikkullu politikkimi apeqqummut Itillimi atsioqatigiinnikkut ilanngunneqarneranut.
- Atsioqatigiinneq Kalaallit Nunaata 1951-mi illersornissamut isumaqatigiissutip misissorneqarnerata suliarineqarneranut sunniuteqarnerulerneranik malitseqarpoq, Jonathan Motzfeldt oqalugiarnermini ilaatigut taama oqarpoq. Ilaanngulluguttaaq Thulemi radareqarfiup nutarterneqarnissaanut isumaqatigiissutip Igalikumi atsioqatigiissutaasimasoq aamma taavaa.
Kalaallit Nunaat taamaalilluni toqqaannartumik isumaqatiginninniarnernut sunniuteqarsinnaalerpoq, aamma Itillimi Kalaallit atsioqataanersigut kingunerigaa namminersulernissamut alloriarnertut.
