Per Stig Møller: Isertuussisoqanngilaq

Nunani allani pissutsit pillugit danskit ilisimatusarfiannit, misissuinermini BBC-miit paasissutissat nutaat saqqummertut, quppernerit 2000-it sinnillit misissuataarneqaqqaassapput. Per Stig Møllerili oqarpoq timmisartup nakkarnerani qaartartut sisamaat pillugu isertuussisoqarsimanngitsoq.

Pituffimmi pisimasoq pillugu nalunaarusiarsuarmik suliarinneqqaarsimasut, Nunani allani pissutsit pillugit danskit ilisimatusarfiat, siornatigut ilisimanngisaminnik paasissutissanik nassaarsinnaanersut misissueqquakka, Per Stig Møller oqarpoq. Qaartartulli sisamaat pillugu paasissutissanik isertuussisoqarsimaneraaneq eqqunngilaq. 1968-imili, januaarip ulluisa 28-anni amerikamiut nalunaarput qaartartut sisamaat kivisimasoq taamaammallu aamma aqqartartumik, kingornatigullu allatut arlaleriarluni misissuisoqartarluni. Paasissutissalli nutaartaqassappata misissuereertunit misissoqqinneqassapput. Kalaallit qoqassiniarneqarsimasutut misiginnginnissaat uanga pingaartippara, Per Stig Møller oqarpoq. Pituffimmi aamma sulisimasut eqqarsassanngillat paasissutissanik isertuussinikkut naapertuilluanngitsunik iliuuseqartoqartarsimasoq. Isertuussisoqarsimaneraasarneq takkuttuartoq annilaangatitsilersartorlu maanna paasissutaasinnaasut tamaasa qaqilerlugit qaangerniartariaqalerparput, nalusatsinnillu qaffattoqarpat tamakku aallaavigalugit paasiniaasariaqarpugut. Peqqutissaqanngitsumik annilaangatitsiniaasarneq unitsittariaqalerpoq, danskit Nunanut Allanut ministeriat Per Stig Møller oqarpoq.