Per Stig: Eqqunngitsuliorsimaneraaneq ilumuunngilaq

Atlantikup avannaani qinikkat suleqatigiiffiata Danmarkip Naalagaaffiit Peqatigiinnut nunatsinnut Savalimmiunullu tunngasunik eqqunngitsumik paasissutissiisarsimaneraanera ilumuunngilaq, taama dansket nunanut allanut ministeriat Per Stig Møller, nunarput sinnerlugu folketingimi ilaasortap Siumumeersup Lars-Emil Johansen-ip apeqquteqaataanut akissuteqarluni allappoq.

Kalaallit Savalimmiormiullu qallunaatut imminnut isiginerannik oqarneraaneq, Dansket nunanut allanut ministeriata eqqunnginnerarpaa. Per Stig Møller oqarpoq taama oqarneraaneq pisortatigoortumik imaqarnialiamiunngitsoq tusagassiorfinnulli nalunaarummi taamaallaat takuneqarsinnaasoq.

Lars-Emil Johansen-ip apeqquteqaatimi akineqarsimanera radioaviisimut nuannaarutiginerarpaa. Taamaattorli eqqunngitsuliortoqarsimaneranik akuerinnittariaqarneq suli maqaasigini oqarpoq. Taamaattumillu nunanut allanut ministerimut nutaamik apeqquteqaatissani spaatip akunnerata matuma ingerlanerani nassiutissagini Lars-Emil Johansen oqarpoq.