Steve Irwin toquvoq
Nunatsinni kanaliutilinnit ilisarilluarneqarsinnaasoq, aammalu nunarsuarmi tusaamaneqarluartoq, Australiamiu Steve Irwin, kukkooriaarsunnik malersuisartutut pinngortitamillu illersuiniartartutut tusaamasaalluartoq, TV-liorniartilluni aalisakkamit toqunartulimmit kapineqarluni toqusimasoq, TV2 oqaluttuarpoq.
Steve Irwin-ip aallakaatitassiarisartagai Animal Planet-ikkoorlugit aallakaatinneqartarput.
Politiit oqaluttuarnerat naapertorlugu, Steve Irwin-ip suleqatai ingerlaannartumik qulimiguulimmik aallertitsisimagaluarput, qulimiguulilli apuummat Steve Irwin toqoreersimavoq. Aalisagaq toqunartulik, eqalussuup nulia, paperumigut kapooruteqarpoq toqunartulimmik.
Steve Irwin-ip ilisarisimaneqaatigilluarpaa, aallakaatitassiarisartakkani: "Crocodile Hunter". Aallakaatitassiat katillugit 50-it suliarereersimavai.
Steve Irwin-ip qimatarai nuliani Terri meeqqanilu marluk.
