Stephen Harperip inatsisartut atorunnaarsikkallarniarpai

Canadami ministeriuneq, Stephen Harper, politikkikkut ajornartorsiorpoq, illuatungiliuttunillu uppititaarusunnani Inatsisartut atorunnaarsinniarsarinialerpai.
decembarip 04-at 2008 08:14

Partiit illuatungiliuttut oqarnerat naapertorlugu Canadami aningaasatigut ajutuuissorneq annaanniarlugu iliuusissamik Stephen Harper saqqummiussisimangilaq, taamaammallu Harper namminneq tunuaqqugitsik. Harperili oqarpoq, illuatungiliuttut immikkoornianit Quebecimeersunit tapersersorneqarlutik Canadami naalakkersuissagaluarpata tamanna akisussaassuseqanngippallaassasoq, pingaartumik taama ajornartorsiortoqartigitillugu, taamaammallu imminut tatiginninnginnermik ataasinngorpat taasisoqartinnagu Inatsisartut atorunnaarsikkallarniarini.

Alaatsinaatsulli ilaat oqarput, partiit illuatungiliuttut naammaginngisaat tassaasoq partiinut naalagaaffiup tapiissutigisartagai atorunnaarseqqullugit Harperip ikinnerussuteqarlutik naalakkersuisuutitaasa konservativiusut siunnersuuteqarsimanerat. Taamaattoqassagaluarpat ministeriunerup partiia pinnani, namminneq eqqugaanerunissartik ernummatigaat.