Stein Bagger tillinniarsimasutut eqqartuunneqarpoq
Peqquserluttutut eqqartuussaq Stein Bagger tillinniatut aamma taaneqarsinnaanngorpoq, ajuutilinnik ikiuisartumit stempelimik tillissimasutut ulluni 60-ini paarnaarussassanngortinneqarami.
novembarip 22-at 2010 15:51
Ajuutilinnik ikiuisartoq, kiropraktori, tunummat Baggerip stempeli tillissimavaa. Stempeli Baggerip paarnaarussiviani nassaarineqarpoq, tamatumalu kingorna Baggeri paarnaarussivimmut matoqqasumut nuunneqarpoq. Lokalavisen.dk taama allappoq.
Stein Bagger IT Factorymi pisortaanermi nalaani peqquserlussimasutut allagaasiorsimasutullu ukiunik arfineq-marlunnik pineqaatissinneqarnermi qaavatigut ullunik 60-inik parnaarussassanngortinneqarpoq.
Eqqartuussivimmi Baggerip nassuerutigaa, ajuutilinnik ikiuisartup stempelia tigusimallugu. Namminerli iluaqutsissamisut, tassalu paarnaarussuvimmiit anisarnini amerliniarlugit, tillissimanagu oqarpoq.
Baggerip oqaatigaa qunusaarneqarsimalluni taamaammallu stempeli taanna tillissimallugu.
