Stein Bagger parnaarunneqarpoq
Danskeq qarasaasianik nioqquteqartarfimmi IT-Factorymi pisortaasimasoq Stein Bagger januaarip ulluisa qulingiluaata tungaanut parnaarunneqartussanngorlugu ullumi eqqartuussivimmi Lyngbymi pineqaatissinneqarpoq.
Allattoq Jaaku Lyberth
decembarip 16-at 2008 17:29
Stein Bagger parnaarussaanermini ullut siulliit 13-it allanik attaveqaqqusaanngilaq.
Stein Bagger Lyngbyp eqqartuussiviani eqqartuussaanerani akunnerit tallimat killisiorneqarpoq. Aningaasat milliardit koruunit tikillugut peqquserlussimasutut salloqittaallunilu uppernarsaatinik sanasimasutut pasineqarpoq.
