Stefan Löfven Sverigemi statsministeritut qinigaaqqittoq
Sverigemi Socialdemokratineersoq Stefan Löfven statsministeritut ingerlaqqittussanngortussanngorpoq.
Taamaalilluni tamat oqartussaaqataaneranit oqaluttuarisaanermi naalakkersuisunngortitsinissamut ajalusooqattaarsimanerit qaangiupput.
Statsministerissaq suaarutigineqareersorlu Riksdagenimi oqaaseqartartoq tusagassiortunik katersuutitsivoq
- Sverigimi naalakkersuisunngortussat inissinneqarmata ajunngilluinnarpoq, piffissamimi sivisuumi naalakkersuisunngortitsiartoqarsimavoq, oqaaseqartartoq oqarpoq.
AAMMA ATUARUK Stefan Löfven statsministerissatut Riksdagenimi itigartitsissutigineqartoq
Löfven ikinnerpaamik 175-inik taagunneqarpoq taamaalilluni Riksdagenimi akuerineqarluni.
Löfven Riksadenimi ilaasortanit 115-init taaguunneqarpoq, 153-t akuerseqataanngitsut 77-illu taaseqataanatik.
Partiit sisamat suleqatigiittussat tassaapput Socialdemokraatit, Miljöparti, Centerparti aamma Liberaalit.
Löfven statsiministerinngortoq qungujulaarsinnaanngoraluarluni naalakkersuisunngortitaali assoroortussanngussasut, nalilliisartut ilimagivaat.
/ritzau/