Steen Lynge: Salloqittaanngilanga
- Naalakkersuisut isumaqarluinnarput Namminersorlutik Oqartussat kisimik piginnittuunermikkut atuisut annertunerusumik akiliisalissanngitsut. Atuisut akiliuteqartarnerat pillugu apeqqummi namminersorlutik oqartussanit 100 procentimik piginnittuunerup aamma piginnittut arlaliunerisa akornanni assigiinngissuseqanngilaq. Taamaalilluni piviusut pillugit salloqittaasoqanngilaq, taamatut oqarpoq Steen Lynge, Peqqissutsimut Attaveqarnermullu Naalakkersuisoq.
Inatsisartut ukiakkut ataatsimiilerpata Nuummi umiarsualivittaassaaq qularnanngitsumik oqaluuserisassat akornanniissaaq, Steen Lyngellu siunnersuutigaa oqallinneq pisuutitsinerillu taamanikkussamut utaqqisinneqassasut. Taamaaliornikkut tunngavissaqarluartumik oqalittoqarsinnaaniassammat.
-Ukiaru ataatsimiinnermi oqalliseriarta. Pitsaasumik siunnersuuteqarpugut, taannalu partiit allat peqatigalugit oqallisigerusupparput. Siunnersuummiipput soorunami akisussaassuseqartumik aningaasalersuinissamik aaqqissuussineq, kisianni aamma isiginninnerit allat soorlu ilinniartunik nunaqavissunillu sulisunik atuinissaq, tamannalu isumaqarpugut erseqqissarnissaa pingaartoq,” naggasiivoq Steen Lynge.