Steen Lynge Risskovimut pulaassaaq
Danmarkimi Risskovimi Aarhusip eqqaaniittumi kalaallit tarnimikkut napparsimasut eqqartuussivinnillu tassunga inissinneqarsimasut, Peqqissutsimut Attaveqarnermullu Naalakkersuisumit, Steen Lyngemit tikeraarneqartussanngorput.
Allattoq Carla Davidsen
juunip 11-at 2013 05:52
Pissutsit qanoq innersut Steen Lyngep tassaniinnermini paasiniagassaasa ilagaat.
Kalaallit tarnimikkut napparsimasut immikkoortortamut R3-mut inissinneqartarput, tassanilu kalaaliinnaat ineqartinneqarlutik.
Kalaallinut inigitinneqartartup ulluinnarni qanoq atorneqarnera, Steen Lyngep paasiniassavaa.
Risskovimi tikeraarnermi ataatsimiinnerit pissapput. Ataatsimeeqatigineqassallutik kommuunit immikkoortuini ilaasortaq aamma Psykiatri-mi Inuillu atugaarisaat pillugit ataatsimiititaliami siulittaasoq, Niels Callasø, Risskovimi nakorsaaneq, Per Jørgensen aamma immikkoortumi pisortat kalaallinik nakutiginnittut ataatsimeeqatigineqassallutik.
Nalunaaquttap akunneri marluk Risskovimiinnissamut piffissaliussaapput.
