Isumaqatigiissut naapertorlugu tamanna amerlanerusunik ilinniartoqarnissamut, suliffissaqartitsisinnaanermut periarfissanik nunattalu karsianut akileraarutitigut isertitassatigut iluaqutaassalluniAssi: KNR / Malik Brøns

Steen Lynge Pituffik pillugu: Kalaallit suliffeqarfiutaat isumaqatigiissuteqarnissaat qularnarpoq

Kalaallilli suliffeqarfiutaata kiffartuussinissamik isumaqatigiissummik ajugaanissaanut sinaakkutissat pitsaasut, nunanut allanut tunngasunut naalakkersuisup erseqqissaatigaa.

Pituffimmi kiffartuussinissamut isumaqatigiissutit nunatta Danmarkillu ukiorpaalunni isumaqatigiinniutigereeraallu isumaqatigiinniarnerit ullumi naammassineqarput.

Isumaqatigiissutillu inernera nunanut allanut tunngasunut nukissiuuteqarnermullu naalakkersuisup, Steen Lyngep (D) nuannaarutigaa, taamaakkaluartorli kalaallit suliffeqarfiutaata tullissaani kiffartuussinermut isumaqatigiissuteqalernissaa neriorsuutigisinnaanngilaa.

Amerikamiut oqartussaasuisa isumaqatigiissummik qanoq nassuiaateqarsinnaanerat apeqqutaalluinnarpoq.

- Kisianni aamma soorunami illuatungaani unammillernartuusimavoq amerikamiut nunaminni inatsisit aallaavigalugit periarfissaat killeqarsimammata, taamaattumik pissanganarpoq 2022-mi kiffartuussinissamik naammassinnittussamik toqqaasoqalerpat qanoq sinaakkutit ersaritsigisimanerat takulersinnaalissagatsigu, Steen Lynge KNR-imut oqarpoq.

AAMMA ATUARUK Pituffik pillugu isumaqatigiissut nutaaq: Kiffartuussinissamut isumaqatigiissut millioninik nalilik nunatsinnut utertinneqartoq

Ingerlatsigiiffik nunatsinniittoq siunissami isumaqatigiissuteqarfigineqassaaq. Kiffartuussinissamut isumaqatigiissut maanna atuuttoq amerikamiut ingerlatseqatigiiffiannut isumaqatigiissutaavoq. Taanna 2024-mi qaangiuttussaavoq.

Ingerlatseqatigiiffiup aqutsisui nunatsinni najugaqartuussalissapput.

Isumaqatigiissut qarasaasiatigut ullumi ataatsimiinnermi atsiorneqarpoq. Ataatsimiinnermi amerikamiuniit nunap sillimaniarnermut siunnersortaa, Robert C. O’Brien aamma Danmarkimi amerikamiut aallartitaat, Carla Sands peqataapput.

Suliaq pillugu naatsumik

Pituffimmi kiffartussinissamut isumaqatigiissutinut suliaq 2014-imi allartippoq. 

Tassani USA-p isumaqatigiissut amerikamiut pigisaannut ingerlatseqatigiiffimmut tunniuppaa.

Isumaqatigiissut taanna tamatuma siornatigut danskinut kalaallinullu ukiorpassuarni isumaqatigiissutaasarsimavoq. Nunattalu karsianut ukiumut 200 millionit koruuninik iluanaarutaasarsimavoq.

Illersornissamulli isumaqatigiissut naapertorlugu kiffartuussinissamut isumaqatigiissut danskit/kalaallillu ingerlatseqatigiiffiata tigummisussaavaa.

Taamaammat kuungeqarfik naapertorlugu amerikamiut ingerlatseqatigiiffiata 2014-imi isumaqatigiissuteqarfigineqarnera USA-p Kunngeqarfiullu akornanni isumaqatigiissummut akerliuvoq.

Vectrus Services 2024-mut isumaqatigiissuteqarfigineqarpoq. 

Nunatsinnit Kim Kielsen aamma Steen Lynge peqataapput, Danmarkimiillu nunanut allanut tunngasunut ministeri, Jeppe Kofod peqataalluni

Nunatsinni najugaqartut amerlanerusut Pituffiliartassasut

Tusagassiuutinut nalunaarut naapertorlugu nunatta amerikamiut Pituffimmi sakkutooqarfimmiinnera annerpaamik iluaqutigissagaa isumaqatigiissummik erseqqissaatigineqarpoq.

Isumaqatigiissut naapertorlugu tamanna amerlanerusunik ilinniartoqarnissamut, suliffissaqartitsisinnaanermut periarfissanik nunattalu karsianut akileraarutitigut isertitassatigut iluaqutaassalluni

- Maannakkut Pituffimmi najugallit 12 procentiinnaat nunatsinni angerlarsimaffeqarput. Taakkua 60 procentinngorpata soorunami akileraartartut arfinileriaatinngungajallutik qaffassapput, taamaattumik aap nunatsinnut tuttartussat amerlisussaapput, qanoq annertutiginersut maannakkut oqaatigisinanngilara, Steen Lynge oqarpoq.

AAMMA ATUARUK Steen Lynge: Præsidentimut qinersisoqannginnerani Pituffik pillugu isumaqatigiinniarnissaq piviusorsiorpoq

Kiffartuussinissamut isumaqatigiissut nutaaq 2022-mi atsiorneqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat