Steen Lynge: Inuiaqatigiit inuttut pisinnaatitaaffitik nalussanngilaat
- Maluginiarpara suliffeqarfinni sulisorisat sammikannersumik kisimi, inuit piginnaatitaaffiinik massakut massakkut Nunatsinni suliniartoqarpoq, Steen Lynge oqarpoq.
Aamma suliffeqarfinni aqutsisut inuiaqatigiillu inuttut pisinnaatitaaffinnik isiginneriaasii assigiinngissinnaasut, Steen Lynge isumaqarpoq.
Taamaammat Kalaallit Nunaanni Inuttut Pisinnaatitaaffiit pillugit Siunnersuisoqatigiit marsimi pilersinneqarnera nuannaarutigaa.
- Taakkulu suliassarisussaavaat innuttaasut akornanni inuit pisinnaatitaaffiinik paasititsiniaanissaq. Assorujussuaq suliaq taanna tikilluaqqunarpoq tassami paasititsiniaanissaq annertoorujussuarmik ingerlanneqartussaammat, Steen Lynge oqarpoq, innuttaasut pisinnaaffitaaffitik oqaluuserinerulissagaat taamalu pisinnaatitaaffiit suut pingaartinnerunerlugit aaliangersinnaagaat ilanngullugulu oqaatigalugit.
Tunngaviusumik inuttut pisinnaatitaaffiit, soorlu inissaqarsinnaanissaq ilinniarsinnaanissarlu soorunami atuutsinneqassasut aamma oqaatigaa.
Eqqartugassarli ataaseq pingaartippaa.
- Aningaasaqarniarnikkut nikingavallaanngitsumik inissisimanissarput pingaaruteqartorujussuuvoq. inuiaqatigiit imminut ataqatigiittut pilersissagutsigit taava aamma isertitat tungaatigut minnerpaaffeqartariaqarpugut illersorneqartuaannarsinnaasumik, Naalakkersuisut siulittaasuata tullia oqarpoq.
Atsitassarsiortoqalerpat ileqqorluttoqarnissaa ernumassutigineqartoq Ataatsimiittoqarnerani erserpoq.
Nunanimi aatsitassarsiorfiusuni ileqqorluttoqarajuttarmat.
Tamannalumi Steen Lyngep eqqumaffigaa.
- Uuliasiornkkut oqaatigineqartarpoq nunani taamatut pissarititanik uumaatsunik atuinerminni taamatut inuit imminnut iluaqusiisumik unioqqutitsisumillu kiffartuussinerit annertoorujussuarmik pisartut, Steen Lynge oqarpoq.
Aamma paasissutissanik isertuussanik siaruarterisinnaanermik periarfissaqalernissaq ileqqorluttoqarnissaa pakkersimaarniarlugu iliuuseqartoqarneranut ersiutaasoq, Steen Lynge isumaqarpoq.