Steen Lynge Atassummi siulittaasup tulliatut tunuarpoq
Atassut sinnerlugu Inatsisartunut ilaasortaasimasoq, Steen Lynge, partiimi siulittaasup tulliatut tunuarpoq.
Steen Lynge 2009-mi Atassummi ilaasortanngorpoq.
Allattoq Bibi Nathansen
novembarip 30-at 2016 13:58
Paasissutissat partiimeersut naapertorlugit partiimi ilaasortaaginnassaaq, Atassutillu Nuummi immikkoortortaqarfiani siulittaasuuginnassalluni.
Paasissutissallu saqqummiunneqartut Steen Lyngep assortunngilai, massakkorpiarli oqaaseqarumanani.
Radioaviisip Atassutip siulittaasua, Knud Kristiansen, attaviginiarsarigaluarpaa iluatsinnaguli.
2017-imut aningaasanut inatsit angallannermullu kiffartuussinissamik isumaqatigiissutit, Knud Kristiansenimit attaveqaqatigiinnermut naalakkersuisuunermini akisussaaffigisai partiip iluani avissaartitsisut partiimit tusarfiit oqaatigaat.
Radioaviisimiillu paasisat allaganngorlugit Steen Lyngemut saqqummiunneqarmata aammaarluni assortunngilai.
