Statsministeri oqalugiarmat Dronningi killitsippoq
Statsminister Helle Thorning Smidtip oqalugiaammini Dronningip meeraanera oqalugiaatigimmagu immikkut maluginiarlugu, biskoppi oqarpoq.
- Malugivara statsministeri oqalugiarmat isigeqqissaarakku aallarniutigimmagu, anaanaata barnevognerluni langeliniemi pisuttuaattarsimagaa, taanna maluginiarparara uagussituuguni killitsissimaassooq angajoqqaani eqqaaneqarmata, Sofie Petersen oqarpoq.
Biskoppi Dronning Margrethep eqqannguani issianermini Dronningip timikkut qisuariaatai oqalugiaataalu qanimut takulluarsinnaasimavai.
Sofie Petersenip oqaluattuara, Ataqqinartorsuup soqutigisaasa ilagigaat kritsumiutut upperneq. Tamassuminngalu soqutigisaqaqatigiinnerminni oqaluuttarsimanertik aamma oqaluttuaraa, taamatullu Dronning Margrethe teologiimut pikkorinnerarlugu.
Prins Henrik peqataanngitsoorpoq
Dronning Margrethep uia, Prins Henrik, napparsimanini pissutigalugu nerersuaqatigiinnermi peqataanngilaq. Taassumalu peqataannginnerani maqaasineqartoq, Sofie Petersenip oqaatigaa.
- Peqannginnera tamarmik malugivaat, Prins Henrik pingaaruteqarmat aamma nuliami suliaanut tunuliaqutaalluartutut oqaatigineqaqattaarpoq. biskoppi Sofie Petersen.
Kalaallit nunarpullu eqqaaneqarmat Dronning Margrethe, biskoppip Sofie Petersenip nuannaarpasinnerarpaa, tassanilu oqaatigaa takuneqarsinnaasoq naalagaaffeqatigiit uummammiorigai.