Statsministeri Kalaallit Illuutaanni oqalugiarpoq
Inuiattut Ullorsiortoqarneranut atatillugu Danmarkimi pisortat suliffeqarfiini pisortatigoortumik siullerpaamik aamma nunatta erfalasuanik erfalasulertoqarpoq, Kalaallit Nunaatalu tikeraarnissaa nuannareqalugulu statsminiterip aamma oqaatigaa, EU-p præsidentia Donald Tusk peqatigalugu Ilulissanut kingullermik tikeraarluni:
- Kalaallit Nunaannut tikeraarnerit tamaasa pinngortitaq tiguartinnartuaannarpoq, innuttaasullu inussiarnersut qanimut naapillugit nuannertuaannarpoq. Inuti qungujuttut ilakkuminartullu siumortuaannarpakka, Lars Løkke Rasmussen, Kalaallit Nunaata Danmarkillu attaveqaqatigiinnerat pillugu ilaatigut taama oqarpoq.
Naallu nunat marluk taakku isumaqatigiittuaannarneq ajoraluartut, attaveqaqatigiinnissaq pingaaruteqartoq oqaatigaa:
- Attaveqaqatigiilluarpugut, naak immitsinnut ungasikkaluaqaluta, inuit akornannii qanilaarneq malunnarpoq. Ataatsimoorullugu oqaluttuarisaanerput, siunissarlu isumalluarnartoq. Erfalasorpullu taassuma anersaavani Danmark tamakkerlugu amuarput, inuiaat kalaallit ataqqillugit, Namminersorlutillu Oqartussat ataqqillugit, minnerunngitsumillu Kalaallit Nunaata Danmarkillu qanga, massakkut siunissamilu ataqatigiinnerat aamma nalliussiniarlugu Erfalasorput amuneqarlni, statsminiteri Lars Løkke Ramussen, Kalaallit Københavnimi Illuutaanni oqalugiarnermini oqarpoq.
