Statsminister: Jonathanip toquneragut Danmark aamma annaasaqarpoq
Jonathan Motzfeldtip toqunera, Danmarkimut Kalaallit Nunaannullu annaasaqaataasoq, ministeriunerup oqaatigaa. Ministeriunerup Jonathan Motzfeldt naalagaaffeqatigiinni maqaasineqassanerarpaa.
- Jonathan Motzfeldtip toquneratigut Kalaallit Nunaat naalakkersuinikkut nallersimaneqanngitsumik annaasaqarpoq, namminersornerulernerup eqqunneqarneranit, Kalaallit Nunaannut nutaaliaasumut ilisarnaataasumik, Lars løkke Rasmussen oqarpoq.
- Naalakkersuisut aamma Inatsisartut siulittaasuattut Jonathan Motzfeldt kalaallini inuiaqatigiinni katersuuffiuvoq aamma Kalaallit Nunaata avammut sinniisaatut qinngaqqunnanngitsoq, ministeriuneq oqarpoq.
- Jonathan Motzfeldt anguniakkaminik pimoorussisartutut periarfissanillu aqqutissarsiullaqqissutut, Danmarkimi ilisarisimalerparput. Tamannalu kalaallit qallunaallu namminersorneq pillugu isumalioqatigiissitaanni siulittaasutut sulineranut sunniuteqaqaaq, naammassisarpassuanilu eqqaamaneqaatigissavai, Lars Løkke Rasmussen oqarpoq.