Statoilip uuliasiornissaa Greenpeacep unitsinniarsaraa
Umiarsuaq Nunatsinni ilisimaneqartoq aamma Esperanza atorlugu uuliasiortitseqatigiiffiup Statoilip qilleriviliaa Greenpeace-imit assersorniarneqarpoq.
Nunarsuarmi aatsaat taama avannarpasitsigisumi qillerinissani Statoilip pilersaarutigaa. Pilersaarutilli Greenpeace-imit akerlilerneqarput, tassami qillerinissamik pilersaarutit Svalbardip ilaani Bjørneøenimi nunamik eqqissisimatitamik innarliisinnaanissaat Greenpeacep aarleqqutigigamiuk.
- Issittumi uuliasiorluni qillerinerit ullutsinni kukkunerit annerit ilaannut ilaalissapput, taamatullu kukkusoqarnissaanut akissaqanngilagut, Greenpeace Danmarkimi suliniutinut ataqatigiissaarisoq Sune Scheller, umiarsuarmi Esperanzami ilaasoq, oqarpoq.