Siulittaasutut tulliatullu qinigaasut imminnut pilluaqqupput, Inger Støjberg Ellen Trane Nørbymut ajugaareerluni. Assi: Henning Bagger/Ritzau Scanpix

Støjberg Venstremi siulittaasup tulliatut qinigaavoq

Danmarkimi partiip Venstrep immikkut ittumik ataatsimeersuarnerani Inger Støjberg Venstremi siulittaasup tulliatut qinigaavoq,  unammillertigalugu Ellen Trane Nørby Inger Støjberg 577-nik  taaneqarluni ajugaavoq, Ellen Trane Nørby 206-nik taaneqartoq.

Tasinerit pingasut allaffigineqarsimanngillat - Taasinerillu marluk atorsinnaannatik. 

-  Tulluusimaartorujussuuvunga kisianni aamma nalunngilara pisussaaffiliisoq, -  minnerunngitsumik partiip venstrep piffissami kingullermi imaannaanngitsunik aqqusaagaqarnera qaangerneqarniassammat, Venstre siumut aallartariaqarpoq, Støjberg qinigaanermi kingorna qujassuteqarluni oqalugiarami taama oqarpoq. 

- Partiit talerperliit ataatsimoornissaannut sulineq aallartinneqarpoq kattuffippullu nukittorsarlugu, Støjberg oqarpoq. 

Jakob Ellemann-Jensen siulittaasutut qinerneqarpoq, unammillerteqarani. 

Siulittaasup tulliatut qinigassanngortittoq ajorsartorlu Ellen Trane Nørby neriuppoq partii Venstre pissusissamisut ingerlaqqilissasoq. 

Siulittaasutut qinigaasup Jakob Ellemann-Jensenip partiip qullersaani Støjbergimik suleqateqalernissani qilanaaralugu oqarpoq.

- Asasara Ingeri, pilluangaarit, isumaqarpunga tamanna ajunngilluinnartuussasoq, suleqatigiinnissamut qilanaarpunga, Ellemann-Jensen oqalugiarama taama oqarpoq.

- Una immikkut ataatsimeersuarneq tamarmi immikkut illuinnartuuvoq.

- Immikkut ittumik ataatsimeersuaqaataasut nuannaarput isumalluarput siumullu isigineq aamma immikkut ippoq,  Jakob Ellemann-Jensen oqarpoq.

Partiimi  Venstremi  nutaamik siulittaasumik tullianillu qinersisoqarpoq, aggustip qaammataani partiip iluani aalassassimaartoqarluni toqqississimanngitsoqareersorlu.

Toqqissisimannginnerup kingorna Lars Løkke Rasmusssen  siulittaasutut tunuarpoq aamma Kristian Jensen siulittaasup tulliatut tunuarluni.

/ritzau/

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat