SSPK: Ikiaroornartumik atuisut inuusutsikkiartorput

- Ukiut kingulliit kingumut qiviarlugit malunnarpoq, ikiaroornartumik atuisut inuusutsikkiartortut. Iliuuseqarsinnaanerput killeqartorujussuuvoq.

Atuarfiit klubillu suleqatigalugit ukioq kaajallallugu aalajangersimasunik suliniuteqartarpugut, assersuutigalugu massakkorpiaq 8. klassemi atuartut tamarmik, nakuusernata oqaloqatigiittamik qulequtserlugu pikkorissartinneqarput. Tassani tapitartuunneqartuaannarpoq, imigassamik ikiaroornartumillu qanoq sunnerneqarsinnaaneq.

Nuup Kommuneani pinaveersaartitsinermut ataqatigiissaarinermik sulialik Line Dalentoft oqarpoq.

Nuummi politeeqarfimmi ikiaroornartulerisut pisortaat, Finn Jeppesen ilisimatitsivoq, 2004-mi ikiaroornartoq 30 kiilu Nuummiinnaq arsaarinnissutigineqarsimasoq, ukiumut siulianut sanilliullugu 5 kiilumik annertunerulluni.

Nuna tamakkerlugu arsaarinnissutigineqartut annertussusaat februaarip aallartisimalernerani nalunarunaarutigineqarsinnaalissapput.