SSP-ermiut sangusaarnermik pissartaapput
Angutini 21-nit 25-nut ukiulinni Qulutak Møller nunatsinni marloriarluni pissartanngorpoq; sangusaarnermi kombinationimillu pissartagaanni. Arnani taama ukiulinni Navarana Lennert sangusaarnermi, sangusaapiloornermi kombinationimillu pisartagaanni aamma pissartanngorluni.
Angutini taama ukiulinni Franz Egede, DSP, Qeqertarsuaq, sangusaapiloornermi nunatsinni pissartanngorpoq.
Sangusaartartut 21-nit 25-nut ukiullit nunatsinni pissartanngortutut uppernarsaammik tuukkamik nunatta timersoqatigiiffiisa kattuffiannit tunineqartarput.
Angutini 26-nit 35-nut ukiulinni Seth Ole Skite, SSP, Sisimiut, nunatsinni pissartanngorpoq, sangusaarnermik, sangusaapiloornermik, super G-mik kombinationillu pisartagaannik pissartanngorluni.
Arnani 26-nit 30-nut ukiulinni pissartanngorniuunnermi peqataasoqanngilaq.
Angutini 18-nit 20-nut ukiulinni Malik Holm, NS-84, Nuuk, nunatsinni pissartanngorpoq unammiffiusut tassaasut sangusaarneq, sangusaapiloorneq, super G kombinationilu ajugaaffigimmagit. Arnani taama ukiulinni Malu T. Broberg, DSP, Qeqertarsuaq, pissartanngorpoq unammissutit tamaasa aamma ajugaaffigimmagit.
Nunatsinni Qeqertarsuarmi apriilip 5-anit ippassamut, apriilip 9-anut pissartanngorniuuttoqarmat peqataasut katillugit 77-pput, taakkunani meeqqat 25-it peqataallutik.
