Sri Lankap sakkutuuisa napparsimavik sequmippaat

Saassussinermi arfineq pingasut toqutaapput 20-nillu amerlanerusut ikilerneqarlutik. Nutaarsiassaqartitsivimmut Ritzauimut Naalagaaffiit Peqatigiit taama ilisimatitsipput.

Meeqqanut immikkoortortaq, akersuuttoqarnerani meeqqanik ikiligaasunik ulikkaartoq saassussinermi sequminneqarpoq.

Colombomi sakkutuut oqaaseqartitaata oqaatigaa naalakkersuisut napparsimmavimmik saassussinermut attuumassuteqanngitsut:

- Napparsimmavinnik saassussinissamut pissutissaqanngilagut, oqaaseqartitaq oqarpoq.

Nunani tamalaani Røde Korsip ikiuiniaqatigiiffianit pisut ernumanartinneqarput:

- Napparsimmaviup saassunneqarnera annilaarutigeqaarput. Sapaatip akunnerisami arlaqanngitsut ingerlaneranni aappassaa taama pisoqarpoq, taama oqarpoq Colombomi nunani tamalaani Røde Korsip ikiuiniaqatigiiffiani pisortaq Paul Castella.

Napparsimmavik pikitsitsiniat De Tamilske Tigret aamma naalakkersuisut sakkutuuisa akersuuffiata eqqaaniippoq. Sapaatip akunnerini kingullerni akersuunnerit sakkortunerulerput, tassami ukiuni 25-ni aaqqiagiinngittoqareersorlu naalakkersuisut sakkutuuisa pikitsitsiniat suujunnaarsinniaraluarmatigik.