Assi: Anuradha Dullewe Wijeyeratne [Public domain]

Sri Lankami arlaleriarluni qaartitsisoqarnerani inuppassuit toqutaasut

Sri Lankap illoqarfiata pingaarnersaanni Colombomi arlaleriarluni qaartitsisoqarmat inuit ikinnerpaamik 207-t toqutaapput. Nunalu tamakkerlugu aneqqusiunnaartoqarluni.

Sri Lankami Colombomi oqaluffinni pingasuni akunnittarfinnilu sisamani uagut nalunaaqutarput malillugu ullaassaq sakkortuumik qaartitsisoqarpoq. 

Inuit ikinnerpaamik 207-it toqutaapput taakkunani nunanit allaneersut 27-iullutik, politiit oqaaseqartartuat taama nalunaaruteqartoq, dr.dk allaaserisaqarpoq. Inuit ikinnerpaamik 400-ut ikilerneqartut, Daily Mirror allaaserisaqarpoq. 

Danskit nunanut allanut tunngasunut ministereqarfiata nalunaarutigaa, toqutaasuni pingasut qallunaajusut. 

Arfineq marloriarluni qaartitsisoqareersorlu politiit pasinarsinnaasunik tigusarinninnialeruttortut qaartitsisoqaqqippoq.

Saassussinermut attuumassuteqartut qunutuujusut innuttaasullu imminnut tapersersoqatigiissasut, Sri Lankap premierministeriata kaammattuutigaa.

Qaartartumeerinermut atatillugu kikkut akisussaanersut pisortatigoortumik suli nalunaarutigineqanngilaq, 
Sri Lankamilli illersornissaqarfiup nalunaarutigaa, saassussinerit peqqarniisaarniarnerusut, dr.dk taama allaaserisaqarpoq.

Illersornissaqarfiup aamma nalunaarutigaa, inuit arfineq marluk tigusaareersimasut, pasineqartullu upperisarsiornermi ingasaassiniaasut.Sakkortuumik qaartartumeerisoqareersorlu nuna tamakkerlugu aneqqusiunnaartoqarpoq, attaveqaatillu Whatsapp, Instagram aamma Facebook matuneqarlutik. Taamaammat innuttaasut ernumassuteqartut attaveqarsinnannginnertik 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat