Sri Lankami arlaleriarluni qaartitsisoqarnerani inuppassuit toqutaasut
Sri Lankami Colombomi oqaluffinni pingasuni akunnittarfinnilu sisamani uagut nalunaaqutarput malillugu ullaassaq sakkortuumik qaartitsisoqarpoq.
Inuit ikinnerpaamik 207-it toqutaapput taakkunani nunanit allaneersut 27-iullutik, politiit oqaaseqartartuat taama nalunaaruteqartoq, dr.dk allaaserisaqarpoq. Inuit ikinnerpaamik 400-ut ikilerneqartut, Daily Mirror allaaserisaqarpoq.
Danskit nunanut allanut tunngasunut ministereqarfiata nalunaarutigaa, toqutaasuni pingasut qallunaajusut.
Arfineq marloriarluni qaartitsisoqareersorlu politiit pasinarsinnaasunik tigusarinninnialeruttortut qaartitsisoqaqqippoq.
Saassussinermut attuumassuteqartut qunutuujusut innuttaasullu imminnut tapersersoqatigiissasut, Sri Lankap premierministeriata kaammattuutigaa.
I strongly condemn the cowardly attacks on our people today. I call upon all Sri Lankans during this tragic time to remain united and strong. Please avoid propagating unverified reports and speculation. The government is taking immediate steps to contain this situation.
— Ranil Wickremesinghe (@RW_UNP) 21. april 2019
Qaartartumeerinermut atatillugu kikkut akisussaanersut pisortatigoortumik suli nalunaarutigineqanngilaq,
Sri Lankamilli illersornissaqarfiup nalunaarutigaa, saassussinerit peqqarniisaarniarnerusut, dr.dk taama allaaserisaqarpoq.
Illersornissaqarfiup aamma nalunaarutigaa, inuit arfineq marluk tigusaareersimasut, pasineqartullu upperisarsiornermi ingasaassiniaasut.Sakkortuumik qaartartumeerisoqareersorlu nuna tamakkerlugu aneqqusiunnaartoqarpoq, attaveqaatillu Whatsapp, Instagram aamma Facebook matuneqarlutik. Taamaammat innuttaasut ernumassuteqartut attaveqarsinnannginnertik