Sri Lankami akerleriinneq sakkortusivoq

Inunnik ikiuiniarneq annertooq Sri Lankami assut akornusersorneqarpoq. Inuit hornorujulippassuit toqutaareerput, akiuunnersuaqarneralu pissutigalugu inuit 250.000-it nikeriarsinnaanngillat. Nutaarsiassaqartitsivik Ritzau taama allaaserinnippoq.
januaarip 27-at 2009 17:14

Ukiuni 25-ni akerleriittuarneq naalakkersuisut sakkutuuisa ilungersorlutik unitsinniarsarigaluarpaat.

Illoqarfiit pikitsitsisunit nakkutigineqartut annersariligaat, Mullaittivu, naalakkersuisut sakkutuuisa sapaatiummat tiguarmassuk akerleriinneq sakkortusivoq.

Ikiuiniaqatigiiffiup Røde Korsip nunarsuaq tamakkerlugu immikkoortortaqarfiata ataatsimiititaliaata oqarnera naapertorlugu, inuit hornorujulippassuit toqutaasimapput, inuppassuillu ikiligaasimallutik. tamanna napparsimmaveqarfinnit peqqinnissaqarfinnillu nalunaarutigineqarpoq.

- Inuppassuit piumassuserinngisaminik tamakkiutitipput, napparsimmaviit biilillu napparsimasunik ingerlatsisartut qaartartunit igeriuttakkanit eqqorneqartarput, ikiuniartullu arlallit ikiligaapput, Røde Kors ilisimatitsivoq.

Ikiuiniaqatigiiffiit nalunaarutaat naapertorlugit pikitsitsisut sakkutuujunngitsullu 250.000-it missaanniittut Sri Lankap avannarpasinnerusortaani 400 kvadratkilometerinik annertussusilimmi maanna nikinnaveeqqapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq