Spidermannip Obama naapippaa

Taamaammat nukappiaraatillunili sinnattuanut ilaasimassaaq Spidermanip pillugu titartagalianut ilaassalluni, piviusunngulerpormi.

Aviiseeqqat saqqummersussat Obamartaqassapput, ateqassallutillu ”Spider Meets the President” ”Spider-ip præsidenti naapippaa”.

Aviiseeqqat USA-mi pingasunngorpat januaarip ulluisa 14-ianni saqqummissapput, saqqummernissaallu sioqqullugu atuagaarniarfiit nalunaarput, assut soqutiginnittoqartoq, allaammi aviiseeqqanik soqutigisaqanngitsut pisiniassamaalereersut oqaatigineqarpoq, aviisersuaq Washington Post taama allaaserinnippoq.

Spidermanimi saqqummersussami oqaluttuarineqarpoq Obamap prædidentitut ivertinneqarnerani, pinerluttuliortorsuaq Kamæleonen Obamatut isikkoqarluni præsidentinngortitsinissami akornusersuilersoq.

Præsidentinngortitsinissamut atatillugu Washington DC-mi isumannaallisaaneq sakkortunerpaagaluartoq Kamæleonip akornusersuinera Spidermanimit Obama-vimmillu suujunnaarsinneqarniarneranik oqaluttuaavoq. Qanoq pisoqarnissaa pissanganaallak.

Ilumullu ulloq Obamap præsidentinngortitaaffia iluatsilluassanersoq marlunngorpat januaarip ulluisa 20-anni nalunarumaanngilaq.