Spejderit tikeraat Iluliarmiuaqqanik pinnguartitsipput
Atuarfik Jørgen Brønlundip saatungaani spejdererpassuit Birkerødimeersut 86-t missaannik amerlassuseqartut, assigiinngittunik pinnguartitsillutik, meeqqanut susassaqartitsipput.
Iluliarmiuaqqat 15-it spejderit pinnguartitsinerannut ullumi peqataapput. Pinnguarnerlu lagkagemik arpatitsineq peqataasunik nuannisartitsivoq.
Spejderit Iluliarmiut meerartaannut inuusuttuarartaannullu ulluni aggersuni pinnguartitsereerunik aamma nunamut angalaassapput.
- Pisussuugut tuperlutalu aamma angallammut ilaalluta angalaarumaarpugut kalaaliminernillu neriumaarluta, spejderinit aqutsisut ilaat Mette oqarpoq.
Atuarfik Jørgen Brønlundip saavani aqagu aamma pingasunngornermi sapaatillu akunnerata tulliani pinnguartitsisoqartassaaq.