Spegepølsit napparsimalernartunik bakteriallit

Spegepølsiliarisartakkat økologiskiusut ilaat, aamma Kalaallit Nunaanni Brugseninut nassiussorneqareersut, napparsimalernartunik bakteriaqalersimagunarput. Spegepølsit, ”Den økologiske Slagterimeersut, 220 imaluunniit 500 gramminik oqimaassuseqartut, kingullerpaamik ullussaqartinneqarput maajip ulluisa 22-annut, ukioq-manna.

Nerisassiat januaarimi suliarineqarsimapput, januaarillu naalernerani februaarillu aallartilaarnerani nassiussuunneqarsimallutik, taamaattumik Uumasut Nakorsaasa Kalaallit Nunaanni Qullersaqarfia naliliivoq, spegepølsit taakkorpiaat Kalaallit Nunaanni Brugseninut nassiussuunneqarsimassappata pisiassaarpiarunnaalersimassasut. Aaamma ilisimaneqanngilaq, spegepølsit taakkorpiaat Kalaallit Nunaannut nassiunneqarsimasut, ilumut napparsimalernartunik bakteriaqarnersut. Pisisoqarsimassappallu angerlarsimaffinni pigineqariaannaammata, pisisartut taama ittunik pisisimasinnaasut kaammattorneqarput spegepølsit igeqqullugit, imaluunniit pisiffigisaminnut uterteqqullugit.

Bakteria spegepølsiniittutut pasineqartoq type E. colimik taaguuteqarpoq, pingaartumillu meeqqanit mikinernit inunnillu peqqissutsimikkut sanngiillisimasunit naarluutigineqarsinnaalluni.