Sparekassen Lollandip Eik Bankip ilamernga pisiaraa

Savalimmiuni aningaaseriviup akiliisinnaajunnaarnikup Eik Bankip ilamernga Danmarkimi Sparekassen Lollandimit 365 millionit koruunilerlugu pisiarineqarpoq.
Allattoq Mads Lynge
decembarip 18-at 2010 12:49

Eik Bankimi sulisut 80-it taamaasillutik Sparekassen Lollandimi sulisorineqalerput, Eik Bankillu Danmarkimi sullitai 87.000-it Lolland Bankimit sullinneqalerlutik.

Sparekassen Lollandip sullitai taamaasillutik 130.000-it sinnilerpai. Sparekassen Lolland taama ilisimatitsivoq.

Eik Bankip aningaaserivimmiititai 5 milliardit koruunit Sparekassen Lollandip ilanngullugit akisussaaffigilerpai, aningaaserivimmiititallu atukkiussanut naleqqiullugit aningaasarsiutigilersinnaassallugit.

Aktianik piginneqatiginnissutinik aappaagu ukiup ingerlanerani tunisinissartik Sparekassen Lollandip pilersaarutigaa, aktianik nioqquteqarfinni nukittunerusumik inissisimalernissani qulakkeerniarlugu.