Spaniap qeqertaasa ilaanni Menorcami illoqarfiup Ciutadellap umiarsualivia malerujussuarmik qaartoorfigitissimavoq. Qaartoornerup kingunerisaanik umiatsiat 30-t kivisimapput allallu 100-t aseruasimallutik kiisalu inissiat umiarsualiviup eqqaaniittut arlallit immap ataaniilersimallutik.
- Menorcami sissaq aatsaat malerujussuarmik qaartoorfigineqanngilaq ippassarli unnukkut qaarneq ukiuni 20-ni aatsaat taama sakkortutigaaq, umiarsualivimmi pisortaq Miquel Truyol oqarpoq.
Menorcami malerujussuaq qaartoq tassaarsuarmik taaneqartarpoq tappavanilu Ciutadellap kangerluani kisimi tamanna pisartoq ilisimaneqarpoq.
Silaannaap allanngorarneri sakkortulluinnaraangata tassaarsuaqartarpoq.