Spaniamiut aningaasaliinerulerput

Unioqqutitsilluni Afrikamiit Spaniamut isaasartut ikilisarniarlugit, maanna Spania ineriartortitsinissamut aningaasaliissutigisartakkaminik marloriaatinngortitsilluni qaffaanialerpoq.

Spaniap premierministeria Jose Luis Zapatero ullumi taama oqarpoq. Kanariet qeqertaanut tikeraartilluni, sapaatip akunnerata naanerinnaani unioqqutitsilluni angalasunut 1000-inut taamatut neriorsuivoq.

Ukioq mannaannaq nunanut ineriartortitsinissamik pisariaqartitsisunut, Spania, aningaasanik 4,5 milliarder koruuninik aningaasaliivoq. Zapatero aamma EU-mut kaammattuivoq, unioqqutitsilluni nunanut allanut isaaniartunut akiuiniarnerup pimoorunneqarnerulluni suliniutigineqarnissaa.

unioqqutitsilluni imaani angalasut akiorniarnerisa saniatigut aamma piitsuunerujussuaq akiorniarneqartariaqartoq Zapatero erseqqissaavoq.

Unioqqutitsilluni angalasartut akiorniarlugit aningaasaliinissamik neriorsuiartartorluni, Spaniami naalagaaffimmi pissutsinut ministeri Alfredo Perez Rubalcaba, ataasinngorpat Senegalimut tikissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat