Spaniamiunik takornariaqartalernissaq isumalluarfigineqarpoq
Olé, sangira aamma seqinnarik kialaaq kalaallit kaffiannik iluliarsuarnillu taarserneqassapput. Spaniamiut sulinngiffeqarnertik nunatsinni atorusussinnaagaat Kalaallit Nunaanni takornariaqarnermut inuussutissarsiornermullu siunnersuisoqatigiit maanna nalunaarutigaat.
Ramón Larramendi, issittumut paasisassarsiortartoq spaniamiuusoq tusaamasaq, unnuup ingerlanerani saqqummiusisut ilagaat. Sermersuarmut arlaleriarluni paasisassarsiortarsimavoq. Ilaatigut Qaanaap avannaaniittoq Humboldtip sermianik taaneqartartoq siorna qaqivaa, tassani kalaallit piniartut spaniamiullu tv-iortartut ilagai.
Spaniamiut 600-t missaanniittut kujataa siorna takornariarfigisimavaat, ukiuni kingullerni spaniamiut sulinngiffeqarlutik ornittagannaavattut ineriartorsimasoq.
Nunatsinni spaniamiunik takornariaqartarneq siunissami isumalluarnartoqarpoq. Spaniamiut umiarsuaat takornariartaat, Grand Mistral, nunatta imartaani angalarngaassaaq tulaffigissavaalu Qaqortoq, Nuuk, Ilulissat aamma Qeqertarsuaq.
