Spaniami qaartartumeerisoqarpoq
Biilit atorlugit qaartartumeerineq Spaniamiut politivisa ilaqutaasalu najugaqarfiisa qanitaani pivoq, illut qarmaasa ilaat igalaallu aseruatiterlutik.
- Biili qaartartumeerissutigineqartoq qaarneq sakkortungaarmat 70 meterinik tammigussaavoq, oqartussat oqaaseqartitaat nutaarsiassaqartitsivimmut AP-mut oqarpoq.
Spaniami politiit ilimagaat peqqarniisaarniat ETA-mik atillit qaartartumeerinermut akisussaasuusut. ETA ilisimaneqarpoq Spaniap avannaatungaani Baskerit nunaannik namminersortunngortitsiniarluni sorsuuteqartutut.
AP-p ilanngullugu nalunaarutigaa ETA-p 1960-ikkut naalerneraniilli qaartartumeerisarneri maannamut inuit 825-it inuunerannik akeqarsimasoq.