Andrés Betancor inatsisinut ingerlatsinermut tunngasunik Barcelonami Popue Fabrap universitetani professori oqarpoq, taamatut pisortat aalajangernerat tupinnartuusoq.Assi: Flickr/Bert Kaufmann

Spaniami najukkani ataatsimiititalianut qinersinermi coronamik tunillatsissimasut qinerseqqusaanngillat

Coronamik tunillatsissimasut qinerseqqusaannginnerat naalagaaffiup aaqqissuussaaneranut naapertuutinngitsoq ilisimasallit oqarput.

Spaniami coronamik tunillatsissimasut Baskerlandetimi aama Galicienimi najukkami ataatsimiititaliamut qinersinermut taasisinnaassanngitsut oqartussaasut aalajangerpaat.

Najukkani ataatsimiititalianut ullumikkut qinersisoqarpoq.

Taamatut aalajangerneq qinersisartunut 500-it missaanniittunut eqquivoq.

Taakkua oqartussaasunit ilisimatinneqarput, allakkatigut qinersisinnaanerannut periarfissaq qaangiutereersimasoq.

Oqartussaasut taama aalajangernerat arlalinnit kamaatigineqarpoq.

Tusagassiorfinni inatsisilerinermillu paasisimasaqartut taamatut aalajangerneq naalagaaffiup aaqqissuussaanerut naapertuutinngitsutut taavaat.

Coronamik tunillatsissimallutik aneqqusaanngitsut najukkami ataatsimiititaliami kisimik qinerseqqussaanngillat, qinersisartut coronamik tunillatsissimallutik ajorunnaareersut aneqqusaanngitsullu aamma qinerseqqusaanngillat.

Andrés Betancor inatsisinut ingerlatsinermut tunngasunik Barcelonami Popue Fabrap universitetani professori oqarpoq, taamatut pisortat aalajangernerat tupinnartuusoq.

Bentacorip oqarnera naapertorlugu qinersisinnaasut tamarmik qinersisinnaasariaqartut coronavirusimik tunillatsissimagaluaraanniluunniit.

Naalagaaffiup aaqqissuusaanerinut immikkut ilisimasalik eqqartuussissuserisoq Xavier Arbo isumaqarpoq, taama aalajangerneq naalagaafiup aqqissuussaaneranut akerliulluinnartuusoq, qinersisartut hundredenik arlaqartut qinersisinnaajunnaartinneqarnerat.

 

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat