Spaniami naalakkersuisut ingerlaqqissapput
Socialistit Spaniami naalakkersuisuutitaqartut ingerlaqqinnissaminnut qinersisartunit periarfissinneqarput, sulili amerlanerussuteqannginnamik suleqatissarsiortariaqassapput.
Allattoq Elisa Isaksen
marsip 10-at 2008 08:15
Inatsisartunut ippassaq qinersinermi taasinerit tamangajalluinnaasa kisinneqareernerisigut tamanna paasinarsivoq. Taamaattumik Socialistit naalakkersuisoqatissarsiortariaqalissapput.
Qinigaasut misissuataarnerisigut paasinarsivoq, talerperliuniat inuiaassutsiminnik pingaartitsisut Cataloniameersut, ministeriunerup 47-nik ukiullip José Zapaterop socialistiusup isumaqatigiinniartariaqassagai. Matumanilu Cataloniamiut imminnut oqartussaaffiginerulerusunnerat ajornartorsiortitsilersinnaavoq.
Socialistit Inatsisartuni ilaasortaatitaat 164-iniit 169-inut amerlerialaarput, qineqqusaarnermilu aningaasaqarneq nunasisullu sammineqarnerpaapput. Qinersiartortut 76 procentingajaapput.
