Spaniami inatsisartut nutaamik inatsisiliorput

Spaniami inatsisartut pingasunngormat inatsit nutaaq atuutsilersippaat, inatsimmi 1936-miit 39-mut pikitsitsisoqarnerani toqutaasut pisortatigoortumik nassuerutigineqarput, taamani pikitsitsereernerup kingorna general Francisco Franco kisermaassilluni naalakkersuisunngorpoq.

Inatsit Oqaluttuarisaanermit Eqqaassutissat naalakersuisuutitalinniit socialistinit partiinillu allanit minnerusunit akuerineqarpoq. Illuatungiliuttut Konservativ Folkepartiimeersut akerliugaluarput, inatsisip ikitoqqat ammarteqqissagai aamma inuiaqatigiinni avissaartuuttoqalernissaa aarleqqutigigamikku.

Socialistit ministeriunerutitaata, Jose Luis Rodriguez Zapaterop, inatsit ministeriunertut aallartinnermini eqqaassutissatut pingaartitaraa. Francop sakkutuuisa nationalistit Spaniap avannaa 1936-mi pissaaneqarfigilermassuk Zapaterop aataa pillakkatut toqutaavoq.

Inatsisip nutaap Francop nalaani eqqartuussinerusarsimasut inatsisinik unioqqutitsinertut naqissuserneqarput atorunnaarsinneqarsinnaalerlutillu. Inatsisitaap aamma kinguneranik eqqaassutissat Francop nalaaneersut assigiinngitsut pisortat illuutaanniit allaffeqarfiiniillu peerneqassapput.

Spaniami pikitsitsisoqarnerani inuit millionit toqutaapput.